დაჭრილ-დაშავებულ მებრძოლთა კვირეული გაიმართა 23 ივნისიდან 30 ივნისის ჩათვლით წეროვანში, მარო მაყაშვილის სახელობის სარეაბილიტაციო ცენტრში. გახსნას ესწრებოდა საქართველოს პრემიერ-მინისტრი, ირაკლი ღარიბაშვილი, თავდაცვის მინისტრი, ჯუანშერ ჭუმბურიძე მინისტრის მოადგილეები, სხვადასხვა ქვეყნების ელჩები, სამხედრო ატაშეები და სხვა. გახსნის ცერემონიას, ასევე დაესწრო „დაჭრილ მებრძოლთა თანადგომის ფონდის“ დამფუძნებელი, გიორგი რამიშვილი.
ფონდი საქართველოს თავდაცვის სამინისტროსთან 2018 წლიდან თანამშრომლობს და გვერდში უდგას დაჭრილ სამხედრო მოსამსახურეებსა და მათ არასრულწლოვან შვილებს.
კვირეულის ფარგლებში გაიმართა სხვადასხვა სპორტული ღონისძიებები/შეჯიბრებები. შემდეგ სახეობებში: სირბილი, სროლა პისტოლეტითა და შაშხანით, ველორბოლა, შტანგის აწევა, ნიჩბოსნობა (ტრენაჟორზე), მაგიდის ჩოგბურთი (პინგ - პონგი), კალათბურთი (პატარა მოედანზე, 3-3 ზე), და პარაფრენბურთი.
„დაჭრილ მებრძოლთა თანადგომის ფონდმა“ კვირეულის ფარგლებში მიწვეულ დაჭრილ მებრძოლებსა და მათ შვილებს საჩუქრები გადასცა.
